مەجٸلٸس تٶراعاسى ەرلان قوشانوۆ AMANAT اتاۋىمەن ٶزگەرگەن بيلٸك پارتيياسىن تٸركەۋگە قاتىستى تٷسٸنٸك بەردٸ, دەپ حابارلايدى قازاقپارات.
مەجٸلٸستٸڭ جالپى وتىرىسىنان كەيٸن تٸلشٸلەر پالاتا تٶراعاسىنان بيلٸك پارتيياسىنىڭ ٶزگەرتٸلگەن اتاۋىن تٸركەۋ قاتىستى سۇراق قويدى.
«امانات» دەگەن اتاۋمەن جەكە كومپانييالار مەن ۇيىمدار بار. سوندىقتان ەرسمي تٸركەلۋ قيىن بولماي ما?», - دەلٸنگەن تٸلشٸلەر ساۋالىندا.
«زاڭناما تۇرعىسىنان تٸركەۋ بويىنشا ەشبٸر قيىندىق بولمايدى. بٸز زەردەلەگەن كەزدە «امانات» دەگەن اتاۋمەن 30-دان استام تٷرلٸ ۇيىم بار ەكەن, بٸراق وسى اتاۋمەن پارتييا تٸركەلمەگەن. سوندىقتان «AMANAT» اتاۋىمەن پارتييانى تٸركەۋدە ەشقانداي قيىندىق بولمايدى دەپ ويلايمىن», - دەپ تٷسٸندٸردٸ قوشانوۆ.
سونىمەن قاتار تٸلشٸلەر تاراپىنان «Nur Otan» اتاۋىنان نەلٸكتەن باس تارتىلدى» دەگەن سۇراق قويىلدى.
«نەگٸزٸ, ٶمٸر مەن قوعام ٶزگەرٸپ جاتىر, ونى ٶزدەرٸڭٸز كٶرٸپ جٷرسٸزدەر. ٶتكەن جىلدىڭ جەلتوقسان ايىنداعى جاعداي مەن بيىلعى قاڭتارداعى جاعدايدى قاراساق, بٸز باسقا مەملەكەتتە ۇيىقتاپ, باسقا مەملەكەتتە ويانعان سيياقتىمىز. سوندىقتان بٷگٸندە قوعامنىڭ سۇرانىسى دا ٶزگەرٸپ وتىر. مەملەكەتكە قاتىستى تەراكتٸ, شابۋىل بولعاننان كەيٸن قوعام دٷر سٸلكٸنٸپ وتىر. بۇل باعىتاعى قادامدارعا پارتييا بەيٸمدەلۋٸ كەرەك قوي. قوعام ٶز الدىنا, پارتييا ٶز الدىنا باسقا ەلەمدە ٶمٸر سٷرمەيدٸ عوي? سوندىقتان پارتييا مٷشەلەرٸ وسىنىڭ بەرٸن ساراپتادى», - دەدٸ مەجٸلٸس سپيكەرٸ.
وسى ورايدا ول مەجٸلٸستەگٸ فراكتسييا دەپۋتاتتارى ٶڭٸرلەرگە ساپارمەن بارىپ كەلگەنٸن, سول جەرلەردە تۇرعىنداردىڭ كٶڭٸل-كٷيٸ, سۇرانىسى نازارعا الىنعانىن اتاپ ٶتتٸ.
پارتييانىڭ, قوعامنىڭ جاڭارۋىنا سۇرانىس بار.
«وسىنىڭ بەرٸن پىسىقتاپ, پارتييا مٷشەلەرٸ تيٸستٸ شەشٸمدٸ قابىلداپ, پارتييا تٶراعاسى ونى قولدادى», - دەدٸ ەرلان قوشانوۆ.
