Belgili jýrnalist, ári saiasatker Ámirjan Qosanov prezidenttikke úmitker retinde tirkelýge daiyn ekenin málimdedi, dep habarlaidy "Ult aqparat".
"Toqaev Nazarbaevtyń stilinde kezekten tys prezident sailaýyn jariialady. Ýaqyt tyǵyz. Árine, yńǵaisyz adamdardy Ortalyq sailaý komissiiasy tirkemes. Bir bále tabady ǵoi", - dep jazdy Qosanov áleýmettik jelidegi paraqshasynda.
Osy oraida ol 2019 jyly barlyq resmi protsedýradan ótip, prezidenttikke úmitker retinde tirkelgenin eske saldy.
"Iá, Ábliazov, Qajygeldin, basqa da eski oppozitsiia meni qaralady, biraq erteń basqa bilik qarsylasyn tirkese, qoldaimyn. Tirkemese, prezidenttikke usynylyp, tirkelýge men daiyn, óitkeni tirkelý úshin zań jaǵynan minsizbin", - deidi saiasatker.
Eske salaiyq, 2019 jyly Prezident sailaýynda Qosanov sailaýshylardyń 16,23 protsent daýysyna ie bolǵan. Bul Toqaevtan keiingi ekinshi nátije edi. Sol kezde Qosanov úshin 1 495 401 adam daýys bergen.
Búgin Memleket basshysy Qasym-Jomart Toqaev Qazaqstan halqyna joldaýynda kezekten tys Prezident sailaýyn ótkizýdi usyndy. Ony biyl kúzde uiymdastyrý josparlanyp otyr.
