بەلگٸلٸ جۋرناليست, ەرٸ ساياساتكەر ەمٸرجان قوسانوۆ پرەزيدەنتتٸككە ٷمٸتكەر رەتٸندە تٸركەلۋگە دايىن ەكەنٸن مەلٸمدەدٸ, دەپ حابارلايدى "ۇلت اقپارات".
"توقاەۆ نازارباەۆتىڭ ستيلٸندە كەزەكتەن تىس پرەزيدەنت سايلاۋىن جارييالادى. ۋاقىت تىعىز. ەرينە, ىڭعايسىز ادامداردى ورتالىق سايلاۋ كوميسسيياسى تٸركەمەس. بٸر بەلە تابادى عوي", - دەپ جازدى قوسانوۆ ەلەۋمەتتٸك جەلٸدەگٸ پاراقشاسىندا.
وسى ورايدا ول 2019 جىلى بارلىق رەسمي پروتسەدۋرادان ٶتٸپ, پرەزيدەنتتٸككە ٷمٸتكەر رەتٸندە تٸركەلگەنٸن ەسكە سالدى.
"يە, ەبليازوۆ, قاجىگەلدين, باسقا دا ەسكٸ وپپوزيتسييا مەنٸ قارالادى, بٸراق ەرتەڭ باسقا بيلٸك قارسىلاسىن تٸركەسە, قولدايمىن. تٸركەمەسە, پرەزيدەنتتٸككە ۇسىنىلىپ, تٸركەلۋگە مەن دايىن, ٶيتكەنٸ تٸركەلۋ ٷشٸن زاڭ جاعىنان مٸنسٸزبٸن", - دەيدٸ ساياساتكەر.
ەسكە سالايىق, 2019 جىلى پرەزيدەنت سايلاۋىندا قوسانوۆ سايلاۋشىلاردىڭ 16,23 پروتسەنت داۋىسىنا يە بولعان. بۇل توقاەۆتان كەيٸنگٸ ەكٸنشٸ نەتيجە ەدٸ. سول كەزدە قوسانوۆ ٷشٸن 1 495 401 ادام داۋىس بەرگەن.
بٷگٸن مەملەكەت باسشىسى قاسىم-جومارت توقاەۆ قازاقستان حالقىنا جولداۋىندا كەزەكتەن تىس پرەزيدەنت سايلاۋىن ٶتكٸزۋدٸ ۇسىندى. ونى بيىل كٷزدە ۇيىمداستىرۋ جوسپارلانىپ وتىر.
