Búgin parlament májilisinde ákimshilik rásimdik-protsestik kodeksiniń jobasy tanystyryldy. Sol jerde qoǵam belsendisi Ámirjan Qosanov mitingter máselesin kóterdi, dep habarlaidy Sputnik Qazaqstan.
Onyń aitýynsha, búginde zań ústemdigi bar, al quqyq ústemdigi joq. Sol siiaqty Konstitýtsiiada miting ótkizýge quqyq berilgen. Alaida ony zańmen shektep tastaǵan.
"Keshe prezident Toqaevtyń ózi mitingiler týraly zańdardy ózgertý týraly aitty. Biraq ol zańnama qandai bolady dep kútip otyrmyz. Taǵy da baiaǵy sarynǵa salynyp, ákimshiliktiń tabaldyryǵyn tozdyryp, qalanyń shetindegi túkke turmaityn alańǵa baryp, miting uiymdastyramyz ba? Joq, álde órkenietti memlekettegidei ortalyq saiabaqtarda ótkizemiz be?", - dedi Qosanov.
Osy suraqqa ádilet vitse-ministri Natalia Pan jaýap berdi. Onyń sózine qaraǵanda, mitingiler týraly zań jobasyn ázirleý týraly naqty tapsyrma bar. Qazirgi kezde osy qujatty qai memlekettik organ ázirleitini talqylanyp jatyr.
"Bul zańdy ázirleýge aqparat jáne qoǵamdyq damý ministrligi jaýapty bolýy tiis dep oilaimyz. Zań jobasy 2019 jyldyń jeltoqsan aiyna deiin ázirlenedi. Ózgerister men tolyqtyrýlar ázirlenedi. Sonyń bári parlamentte tanystyralady", - dedi Pan.
