QR ekologiia, geologiia jáne tabiǵi resýrstar ministri Maǵzum Myrzaǵaliev brakonerlikpen kúresti kúsheitý sharalary qalai júrgizilip jatqany týraly aitty, dep habarlaidy QazAqparat.
«Ministrlik jaýapty memlekettik organdarmen birge qazirgi ýaqytta qoryqshylar men olardyń otbasy músheleriniń, onyń ishinde qaza bolǵan nemese qyzmettik mindetin oryndaý kezinde jaraqat alǵan jaǵdaida beriletin áleýmettik kepildikterdi qarastyryp jatyr. Bizdiń bastamamyz boiynsha, Ishki ister ministrliginiń qoldaýymen jol erejelerine ózgerister engizilýde. Naqtyraq aitqanda, «Ohotzoprom» men onyń óńirlerdegi ókildikteriniń qyzmettik kólikterin «arnaiy kólik» sanatyna jatqyzyldy. Iaǵni, inspektorlardyń kólikterine dybys údetkish qurylǵy men arnaiy signal ornatylyp, tsvetografiialyq shemalar, basqasha aitqanda avtokólikte jolaqtar paida bolady», - dedi Maǵzum Myrzaǵaliev vedomstvoda ótken alqa otyrysta.
Ministr sonymen birge Ekologiia, geologiia jáne tabiǵi resýrstar ministrligi IIM-men birlesip, «Ohotzopromnyń» inspektorlyq quramy úshin praktikalyq jáne teoriialyq jattyǵýlar baǵdarlamasy boiynsha oqý-jattyǵýdy qolǵa alǵanyn habarlady.
«Tamyz aiynda tiisti oqý-jattyǵý jumystary júrgizildi. Bul jumys jalǵasyn tabady», - dedi Maǵzum Myrzaǵaliev.
Eske sala ketsek, Maǵzum Myrzaǵaliev buǵan deiin Qazaqstanda brakonerlikpen kúresti kúsheitý jónindegi zańnamalyq normalar Parlamentke osy aida engiziletinin habarlaǵan bolatyn.
