Qostanai oblysynyń Meńdiqara aýdanynda kórshisin óltirip, urlyq jasaǵan er adamǵa qatysty sot úkimi shyqty, dep habarlaidy ult.kz.
Is qylmystyq ister jónindegi mamandandyrylǵan aýdanaralyq sotta alqabilerdiń qatysýymen qaraldy. Sottalýshyǵa turǵyn úige zańsyz kirip, bótenniń múlkin jasyryn jymqyrý jáne adam óltirý baptary boiynsha aiyp taǵylǵan.
Sot materialdaryna sáikes, ótken jyldyń 5 sáýirinde aiyptalýshy mas kúiinde jábirlenýshiniń úiine zańsyz kirip, temeki blogy men qol saǵatyn urlaǵan.
Al 10 sáýirden 11 sáýirge qaraǵan túni Qyzyl Presnia aýylynda birge spirttik ishimdik iship otyrǵan kezde olardyń arasynda janjal týyndaǵan. Tergeý dereginshe, janjal barysynda sottalýshy asúi pyshaǵymen aýyldasyna birneshe ret soqqy jasap, saldarynan jábirlenýshi oqiǵa ornynda kóz jumǵan.
Sottalýshy óz kinásin ishinara moiyndaǵanymen, adam óltirgenin joqqa shyǵarǵan. Alaida sot onyń kinási usynylǵan dáleldermen tolyq rastalǵanyn málimdedi.
Alqabilerdiń sheshimi negizinde er adam 9 jylǵa bas bostandyǵynan aiyryldy. Ol jazasyn ortasha qaýipsizdik mekemesinde óteitin bolady.
Úkim ázirge zańdy kúshine engen joq.
