QR Densaýlyq saqtaý vitse-ministri – QR Bas memlekettik sanitar dárigeri Erlan Qiiasov koronavirýstyń taralýyna tosqaýyl qoiý boiynsha memlekettik shekaradaǵy sharalar týraly túsindirdi, dep habarlai dy "Ult aqparat".
«Eýropa, TMD elderinde syrqattanýshylyqtyń joǵarlaýyn eskere otyryp, áýe qatynasy qaita ashylǵan elderden, sonymen qatar EAEO elderimen, Ózbekstan Respýblikasymen avto ótý joldary arqyly keletin adamdardy sanitariialyq-karantindik baqylaýdy kúsheitý jóninde sharalar qabyldanyp otyr», - dedi Qiiasov Ortalyq kommýnikatsiialar qyzmetinde.
Onyń sózine qaraǵanda, kelgen adamdar termometriiadan, saýalnamadan ótedi jáne COVID-19-ǵa tapsyrǵan sátten bastap úsh táýlikten aspaityn PTR test anyqtamasyn usynady. Anyqtama bolmaǵan jaǵdaida kelgender COVID-19-ǵa tekserý júrgizý úshin karantin statsionarynda eki táýlikke deiin oqshaýlanady.
«QR Bas memlekettik sanitarlyq dárigeriniń qaýlysyna sáikes, 2020 jylǵy 6 qazandaǵy saǵat 00:00-den bastap QR Memlekettik shekarasyn avtomobildik ótkizý pýnktteri arqyly 33 600 elimizdiń azamaty men sheteldik, onyń ishinde 10 051 jolaýshy kesip ótti. 3 322 adam karantindik statsionarlarǵa ornalastyryldy, onyń ishinde 60-ynan indet anyqtaldy. Halyqaralyq aviareistermen 14 832 jolaýshy keldi, onyń 3 051-i testileýden ótti, 10 adamnan aýrý anyqtaldy», - dedi Erlan Qiiasov.
