QR Syrtqy ister ministri Qairat Ábdiraxmanov Tuńǵysh Prezident kúnine arnalǵan xalyqaralyq konferentsiia ne úshin uiymdastyrylǵanyn túsindirdi, dep xabarlaidy QazAqparat tilshisi.
"Halyqaralyq kezdesýler barysynda bizdiń kórshiles elderimiz, jalpy álemniń basqa memleketteri tarapynan Qazaqstannyń damý úlgisine, jańǵyrý sharalaryna shynaiy qyzyǵýshylyqtyń bar ekenin, onyń udaiy artyp kele jatqanyn nyq senimmen aitýǵa tolyq negiz bar. Búginde táýelsiz Otanymyz álemge óziniń baiandy saiasi turaqtylyǵymen, keshendi ekonomikalyq damýymen, bai mádenietimen keńinen tanymal. Birikken Ulttar Uiymynyń Qaýipsizdik keńesine múshe bolyp sailandyq. Siriiadaǵy qandy janjaldy retteý boiynsha Astana protsesin qabyldaýdamyz. "Bolashaq energiiasy" degen asa ózekti taqyrypta EKSPO-2017 Halyqaralyq kórmesin ótkizdik. Osyndai qomaqty tabystarymyz Qazaqstannyń álemdik arenada óziniń laiyqty ornyn tapqanyn kórsetedi", - deidi ministr Ábdiraxmanov.
Onyń aitýynsha, elimizdiń qazirgi jetistikteri - kópultty Qazaqstan xalqy men Memleket basshysy Nursultan Nazarbaevtyń saliqaly saiasatynyń nátijesi. Sol sebepti QR Syrtqy ister ministrligi men QR Parlament Májilisi búgingi konferentsiiany uiymdastyrýdy uiǵardy.
Aita keteiik, elordada "Jańa jahandyq bolmystaǵy Qazaqstannyń jańǵyrý modeli" taqyrybynda xalyqaralyq parlamenttik konferentsiia bastaldy. Atalǵan shara QR Tuńǵysh Prezidenti kúnine arnalyp otyr. Májiliske Resei, Ázerbaijan, Túrkiia, Ózbekstan, Armeniia, Italiia, Ispaniia, Qytai, Birikken Arab Ámirlikteri, Bolgariia, Majarstan jáne taǵy basqa barlyǵy on bes eldiń delegattary qatysýda. Budan bólek, AQSh-tyń sarapshylary da keldi.
.jpeg)