2017 jyly 653 mlrd teńge kóleminde memlekettik kómek alǵan bes iri bank barlyq qarjyny 13 jyldyń ishinde qaitarady. Bul týraly "Ult aqparat" finprom.kz saityna silteme jasap habarlaidy.
Eki jyl buryn memleket bes bankti saýyqtyrý úshin qarjylyq turaqtylyqty kóterý turǵysynda baǵdarlamany iske qosty.
2014-2017 jyldary Qazaqstannyń bank sektory birqatar qolaisyz faktorlarǵa tap boldy, onyń ishinde syrtqy koniýnktýranyń nasharlaýy yqpal etti. Sonymen birge, birqatar banktiń qarjylyq jaǵdaiynyń nasharaýy baiqalyp, bul óz kezeginde ekonomikany nesielendirý qarqynynyń baiaýlaýyna áserin tigizdi.
Halyqaralyq reiting agenttikteri qazaqstandyq keibir bankterge reitingti qaita qarastyryp, olarǵa qatysty teris baǵa berdi. Bul ahýal kapitaldandyrý, bankterdiń tabystylyǵy men tiimdiligi kórsetkishine qysymnyń artýyna bailanysty boldy.
Osyǵan bailanysty jeke kapitaly 45 mlrd teńgeden kem emes ekinshi deńgeili bankterge qoldaý sheshimi jasaldy. Bul turǵyda sheteldik qatysýmen enshiles bankter qamtylmady. Munymen qosa, aktsionerler qatysýshy bankterdi qosymsha qarjylandyrýǵa mindetti boldy.
Baǵdarlama talaptary boiynsha qarjylyq institýttar jyl saiyn «Qazaqstan ornyqtylyq qory» aktsionerlik qoǵamyna 4 paiyz nemese 26 mlrd teńge teńge kóleminde syiaqy tóleidi. Aldaǵy 13 jylda memleket bankterge berilgen 653 mlrd teńgeniń ornyna 1 trln teńgeden astam qarjy alady.
Aita keteiik, baǵdarlama ekonomikany nesielendirý qarqynyn kóterip, shaǵyn jáne orta biznesti damytýǵa ońtaily áser etti. Memlekettik qoldaýdy alǵan bes bank 2 trln teńgeden astam zaim berdi.
