Foto: Aqorda
Memleket basshysy Úkimet qanshalyqty qiyn bolsa da, jappai únemdeýge kóship, biýdjet qarjysyn tek qana asa ózekti máselelerdi sheshýge jumsaýy kerek ekenin aitty, - dep habarlaidy Ult.kz.
Qasym-Jomart Toqaev:
«Men reformalardyń naqty baǵyty men ony júzege asyrý joldary týraly osyǵan deiin de aittym. Úkimet el ekonomikasyn turalap qalýdan saqtap, ornyqty damýdy qamtamasyz etý úshin kúrdeli sheshimder qabyldaýy kerek jáne eń bastysy sol sheshimderdi iske asyrýǵa tiis. Bul – joǵary bilikti ári jaýapkershilik alýǵa daiyn memlekettik qyzmetshilerdiń qolynan keletin jumys. Álemdik tájiribege qarasaq, memlekettik apparattyń tiimdiligi osyndai kúrdeli kezeńderde aiqyn kórinedi. Úkimet qanshalyqty qiyn bolsa da, jappai únemdeýge kóship, biýdjet qarjysyn tek qana asa ózekti máselelerdi sheshýge jumsaýy kerek. Kórpege qarai kósiletin ýaqyt keldi. Orynsyz shyǵyndy toqtatyp, aiaǵymyzdy tartyp basý qajet»
