Maiami ýniversitetiniń ýrologiia institýtynyń ǵalymdary jańa tiptegi koronavirýstyq infektsiiany juqtyrǵannan keiin erler fýnktsiiasynyń buzylý yqtimaldyǵy 20%-ǵa artatynyn anyqtady, dep habarlaidy "Ult aqparat" COVID-19 taralýyna jol bermeý jónindegi vedomstvoaralyq komissiianyń Telegram kanalyna silteme jasap.
Sonymen qatar basqa ǵylymi basylymdardyń avtorlary mundai asqynýlar sanynyń odan da joǵary ósýin atap ótken. Erlerdiń jynys múshelerin skanerleý kezinde jáne belgili bir synaqtardy júrgizý kezinde alynǵan málimetter COVID-19 virýsy erlerdiń jynys joldaryndaǵy tinderge áser etetinin kórsetedi.
Al, Shanhai biligi COVID-19 derekteriniń sany qalanyń birqatar aýdandarynda nólge deiin azaityldy dep málimdedi, biraq shekteýlerdi joiý týraly sóz bolǵan joq.
"Biz qazirgi jaǵdaidyń turaqsyz ekenin, COVID-19 virýsynyń qaitadan kúsheiý qaýpi áli de bar ekenin bilýimiz kerek", - dedi Shanhai Densaýlyq saqtaý komissiiasy direktorynyń orynbasary Chjao Dandan.
Onyń aitýynsha, aldaǵy úsh kún ishinde qala boiynsha azyq-túlik jetkizýge tek memlekettik kýrerlerge ruqsat etiledi. Sonymen qatar, endi aýrýhanaǵa Kompartiianyń jergilikti komiteti kelisimimen ǵana barýǵa bolady.
