Afrikanyń ońtústiginde ataýy B.1.1.529 dep belgilengen koronavirýstyń jańa shtamy anyqtalyp, birqatar el Ońtústik Afrika Respýblikasymen áýe qatynasyn toqtata bastady. Jańa shtamnyń mýtatsiialaný qabileti óte joǵary, dep habarlaidy QazAqparat TASS-qa silteme jasap.
OAR-men áýe qatynasyn shektegen, sol elden kelgenderdi kirgizýge tiym salǵan elder qatary kóbeidi.
Germaniia (áýe kompaniialaryna OAR aýmaǵyndaǵy FRG azamattaryn alyp qaitatyn reisterdi ǵana jasaýǵa ruqsat berdi).
Izrail (Afrikanyń barlyq elderine barýǵa tyiym salyndy, bul qurlyqtyń soltústik bóligindegi elderge qatysy joq).
Ulybritaniia (OAR-men qatar Botsvana, Zimbabve, Lesoto, Namibiia, Esvatini elderimen áýe qatynasyn toqtatty).
Singapýr (OAR, sonymen qatar Botsvana, Zimbabve, Lesoto, Mozambik, Namibiia, Esvatiniden keletin sheteldikterdi qabyldamaidy).
Bahrein (OAR, Namibiia, Botsvana, Zimbabve, Lesoto jáne Esvatiniden keletinder kirgizilmeidi).
Italiia (OAR, Lesoto, Botsvana, Zimbabve, Mozambik, Namibiia jáne Esvatinige keletinderge tyiym salyndy)
Niderland (OAR-dan kelgen jolaýshy Shiphol áýejaiynda qalýy tiis).
Marokko (OAR-dan kelgender qabyldanbaidy).
Frantsiia (OAR, Lesoto, Botsvana, Zimbabve, Mozambik, Namibiia, Esvatinige áýe qatynasy toqtatyldy).
Chehiia (OAR, Namibiia, Lesoto, Svazilend, Zimbabve, Botsvana, Mozambik men Zambiiada sońǵy eki aptada 12 saǵattan astam ýaqyt bolǵan azamattardyń kelýine tyiym salyndy).
Aýstriia (OAR, Lesoto, Botsvana, Zimbabve, Mozambik, Namibiia, Esvatinimen áýe qatynasyn shektedi).
Malaiziia (azamattaryna OAR, Botsvana, Zimbabve, Lesoto, Mozambik, Namibiia jáne Esvatinige barýyna tyiym saldy).
Resei (OAR, Botsvana, Lesoto, Namibiia, Zimbabve, Mozambik, Madagaskar, Esvatini, Tanzaniia aýmaǵynda turatyn sheteldikterdiń elge kelýin shektedi).
