Juma kúni jańa virýs túri týraly jańalyq álemdik birjadaǵy munai baǵasynyń 12%-ǵa tómendeýine ákelip soqty. Bul - sońǵy bir jarym jyldaǵy eń úlken quldyraý, dep habarlaidy QazAqparat VVS-ge silteme jasap.
Energetikalyq daǵdarystyń jalǵasýyna qaramastan, investorlar pandemiianyń jańa tolqyny adamdardyń qozǵalysyn aitarlyqtai shektep, otynǵa degen suranysty tómendetip, jalpy ekonomikalyq ósýdi baiaýlatady dep úreilenip otyr.
Soǵan qaramastan, altyn qymbattap jatyr.
Eger otynǵa suranys tómendei berse, álemdik ekonomikany qalpyna keltirý odan da uzaq jáne kúrdeli bolady. Ásirese, áýe kompaniialary men týristik kásiporyndardyń aktsiialary 10-15%-ǵa tómendedi. Biraq DDSU ókilderi barlyq elderdi dúrbeleń týdyrmaýǵa jáne jańa shekteýler engizýge asyqpaýǵa shaqyryp jatyr.
Niý-Iork birjasyndaǵy Dow Jones indeksi bir kúnde 2,5%-ǵa tómendedi.
Eske salsaq, Ońtústik Afrika Respýblikasynda koronavirýstyń 1.1.529 ataýy bar jańa mýtatsiiasy anyqtalǵan edi.
Bul nusqa burynǵylarǵa qaraǵanda áldeqaida juqpaly jáne vaktsinalardyń oǵan áseri tiimsiz bolýy ábden múmkin ekendigi aityldy. Koronavirýstyń qaýipti delingen jańa shtamyna «Omikron» degen ataý berildi.
