Koronavirýsty, dálirek aitqanda onyń túrlerin basqarýǵa bolady.
Máskeý fizika-tehnikalyq institýtynyń genomdyq injeneriia zerthanasynyń jetekshisi Pavel Volchkov jańa SARS-CoV-2 shtamdarynyń paida bolýyn «toqtatý» ádisin atady, dep habarlaidy "Ult aqparat" Covid-19 taralýyna jol bermeý jónindegi vedomstvoaralyq komissiianyń Telegram kanalyna silteme jasap.
«Koronavirýstyń jańa shtamdarynyń paida bolýymen kúresý úshin bizge barlyq belgili jáne yqtimal qaýipti shtamdarǵa qarsy polivalentti vaktsinalar qajet. Eger biz tumaý virýsyn mysalǵa alsaq, qazir tórt valentti vaktsinalar keńinen qoldanylady: A virýsynyń eki serotipine jáne V virýsynyń ekeýine qarsy», — dedi Volchkov. Sonymen qatar virýsolog qoldanystaǵy vaktsinalardyń negizinde jasalǵan jańa ekpelerdi tirkeý jáne synaqtan ótkizýdi jeńildetýge shaqyrdy. Qazirgi ýaqytta ekpe ázirleý jáne tirkeý alty aidan bir jarym jylǵa deiin júrgiziledi.
Britandyq epidemiologtar SARS-COV-2 virýsynyń jańa mýtatsiialanǵan shtamynyń paida bolǵanyn habarlady. Ǵalymdardyń aitýynsha, genomda «omikron» shtamynda da, «delta» shtamynda da bar elementter tabylǵan. Osylaisha shtamm «deltakron» dep ataldy. Zertteýshiler mýtatsiia bir ýaqytta eki shtamdy juqtyrǵan adamda paida boldy dep boljaidy. Sarapshylar dúrbeleńniń qajeti joq dep sanaidy, jańa shtammen infektsiia jaǵdailary óte az, al popýliatsiiada «deltaǵa» da, «omikronǵa» da ujymdyq immýnitet jartylai qalyptasqan.
