Koronavirýstyń «omikron» shtamyn úi jaǵadaiynda qalai emdeýge bolady? Bul saýalǵa Almatydaǵy №11 qalalyq emhananyń jalpy dárigerlik tájiribe bóliminiń meńgerýshisi Nazym Kúshikbaeva jaýap berdi, dep habarlaidy QazAqparat.
Dárigerdiń aitýynsha, «omikronnyń» basty belgileriniń biri – joǵarǵy tynys joldarynyń zaqymdanýy, basqa da klinikalyq belgileri – dene qyzýynyń kóterilýi, bas aýrýy, álsizdik, bulshyqetterdiń aýrýy, tamaq aýrýy jáne jótel.
«Omikron» shtamynyń belgileri aldyńǵy shtamdarǵa uqsamaidy. Ony juqtyrǵan adamdar úide emdeleýi kerek. Nelikten úi jaǵdaiynda emdelgen durys? Óitkeni, biz bul virýspen eki jylǵa jýyq kúresip kelemiz. Bul múldem jańa túri emes, sondyqtan infektsiiany juqtyrǵan adam eń aldymen oqshaýlanýy kerek.
Eger qannyń ottegimen qanyqtyǵy tómendep ketse (satýratsiia), uzaq ýaqyt dene qyzýy túspese, onda aýrýhanada jatyp emdelgen abzal. Mundai naýqastar dárigerlerdiń baqylaýynda bolýy kerek»,- deidi ol.
Spikerdiń sózinshe, koronavirýstyń kez kelgen shtamyn úi jaǵdaiynda emdeýge bolady, aýrýhanaǵa asqynǵan nemese sozylmaly aýrýy bar naýqastar jatqyzylady.
«Omikron» shtamyn emdeý ádisi tumaýmen birdei: kóp mólsherde sý ishý kerek. Bul organizmdegi intoksikatsiiany toqtatady. Sonymen qatar, steroidty emes qabynýǵa qarsy preparattardy qabyldaǵan jón. Olar dene qyzýyn tómendetip, aýyrsynýdy basady. Sebebi bas aýrýy, bulshyqetterdiń aýrýy jii kezdesedi. Eger sozylmaly aýrýlarǵa qarsy preparattar bolsa, olardy ishýdi mindetti túrde jalǵastyrý kerek. Pandemiia bastalǵan kezde, mobildi toptar úige kelip naýqas qanynyń ottegimen qanyqtyǵyn ólsheitin. Endi bul impýlstik oksimetr termometr siiaqty, ár úide bolýy kerek jáne únemi ólshep otyrý qajet. Óitkeni qanyǵý indeksiniń tómendigi aýrýdyń aýyr túrde ótip jatqanyn bildirýi múmkin», - dep túsindirdi dáriger.
Sonymen qatar, ol «omikron» juqtyrǵan adamda dene qyzýynyń kóterilýi 2-3 kún saqtalatynyn atap ótti.
«Bul – qalypty jaǵdai. Temperatýra kóteriledi jáne tómendeidi, eger dene qyzýy 39 gradýstan asyp ketse jáne bes kúnge sozylsa, onda bul syrqattyń aýyrlyǵyn kórsetedi. Bul qosymsha zertteýdi qajet etedi», - deidi Nazym Kúshikbaeva.
Sondai-aq ol antibiotikterdi dárigerdiń taǵaiyndaýynsyz qoldanýǵa bolmaitynyn basa aitty.
