Foto: © AFP 2023 / JULIEN DE ROSA
Qazaqstanda omikronnyń "eris" dep atalatyn jańa shtammy taralyp jatyr. Bul týraly Densaýlyq saqtaý ministri Ajar Ǵiniiat málimdedi, dep habarlaidy Sputnik Qazaqstan.
Ministr koronavirýs dárigerlerdiń turaqty baqylaýynda ekenin atap ótti. Aitýynsha, byltyrǵa qaraǵanda koronavirýspen aýyrý deńgeii tómendegen. Soǵan qaramastan ministrlik ai saiyn koronavirýs infektsiiasyn genetikalyq zertteýden ótkizip otyrady.
"Sońǵy genetikalyq zertteýler elimizge omikronnyń "eris" degen túri kelgenin kórsetti. Qazir barlyq óńirde virýstyń osy túri tirkelip jatyr. Koronavirýs ýaqyt óte qorshaǵan ortaǵa beiimdelip, ártúrli mýtatsiiaǵa ushyrap jatyr", - dedi Ǵiniiat ortalyq kommýnikatsiialar qyzmetinde ótken brifingte.
Ol omikron jeńil nemese ortasha jeńil túrde ótip jatqanyn aitty.
Qazir respýblika boiynsha statsionarlarda koronavirýstan 35 adam emdelip jatyr. Deni egde jastaǵy, sozylmaly aýrýlary bar adamdar.
