Densaýlyq saqtaý ministri Aleksei Tsoi Qazaqstanda koronivirýstyń anyqtalýy múmkin shtamdaryna kún saiyn molekýliarlyq-genetikalyq zertteý jumystary júrgizilip jatqanyn málim etti, dep habarlaidy «Ult aqparat».
«Virýstyń mýtatsiialǵa beiimdiligin eskere otyryp, Densaýlyq saqtaý ministrligi turaqty túrde Qazaqstanda koronivirýstyń anyqtalýy múmkin shtamdaryna kún saiyn molekýliarlyq-genetikalyq zertteý jumystaryn júrgizip keledi. Taldaý jumystary zerttelgen synamalar genetikalyq turǵyda Germaniiada, Ispaniiada, Ýkraina, Resei, AQSh pen Qytaida anyqtalǵan shtamdarmen uqsas ekenin kórsetti. Aýrýdyń simptomdy jáne simptomsyz formalary, sonymen qatar virýstyń taralýy men aýrýdyń aýyrlyǵy virýstyń qandai da bir genetikalyq jelige tiesili ekenine táýeldi emes. Anyqtalý jiiligi joǵary mýtatsiialar aiqandaldy. Zerttelgen synamalarda koronavirýstyń britandyq shtamy anyqtalǵan joq», - dep sendirdi Aleksei Tsoi Úkimet otyrysynda.
Ministr sonymen qatar bul baǵytta jumys jalǵasatynyn málim etti.
