Elimizde qoǵamdyq kólikter aýysymnyń basynda jáne aiaǵynda tazalansa, endi ár reis saiyn tazalaý týraly talap qoiyldy.
Bul týraly Ortalyq kommýnikatsiialar qyzmeti alańynda ótken baspasóz konferentsiiasy barysynda QR Densaýlyq saqtaý ministri Eljan Birtanov málim etti, dep habarlaidy "Ult aqparat".
«Ádette qoǵamdyq kólikter aýysymnyń basynda jáne aiaǵynda tazalansa, endi biz ony ár reis saiyn tazalaý týraly talap qoiyp otyrmyz», - deidi QR Densaýlyq saqtaý ministri Eljan Birtanov.
Sondai-aq, ol meditsinalyq maska máselesi týraly aitty.
«Qazaqstanda meditsinalyq maska shyǵarylady. Byltyr turǵyndardyń 80% otandyq maskalardy qoldanǵan. Turǵyndardyń maskalardy satyp alǵany, keibiri ózine, keibiri qaita satý úshin satyp alǵany týraly másele bar. Qazirgi ýaqytta bul másele sheshimin tapty», - deidi ol.
