Meditsinalyq maska - koronavirýsten qorǵanýdyń basty quraly emes. Bul týraly QR juqpaly aýrýlar boiynsha jetekshi mamany Dinagúl Baesheva aityp berdi, dep habarlaidy QazAqparat.
«Koronavirýs bizdiń elimizge kelgen joq, el aýmaǵynda tirkelgen joq. Biraq onyń óz qaǵidalary bar jáne munda meditsinalyq maska basty qural emes. Munda biz aitqan profilaktikalyq sharalardy oryndap, túshkirý mádenietin saqtaý qajet. Máselen, aýrý adam túshkirip, tutqany ustaidy. Izinshe saý adam kelip, sol tutqany ustaidy. Ári qarai kózin, aýzyn ustasa, aýrý juǵady. Sondyqtan, basty nazardy maskaǵa aýdarmai, jeke gigiena talaptaryn saqtaý qajet. Basty profilaktikalyq qural - maska emes, jeke gigiena», - dedi spiker Ortalyq kommýnikatsiialar qyzmetinde ótken baspasóz qyzmetinde.
Onyń aitýynsha, koronavirýs aýrýynyń 80 paiyzy jeńil formada ótedi.
«Koronavirýs aýrýynyń 80 paiyzy jeńil formada ótedi. Sondyqtan, dúrlikpe týdyryp, ýaiymǵa salynýǵa bolmaidy. Áitse de, aldyn alý sharalaryn umytpaǵanymyz jón. Aýrýdy jeńýdiń, virýsty taratpaýdyń 50 paiyzy siz ben bizdiń áreketimizge bailanysty. Qoǵamdyq oryndarǵa jii barmańyz, aýrý tirkeldergen memleketterge barýdan bas tartyńyz», - dedi D. Baesheva.
Buǵan deiin dərilik zattar men meditsinalyq buiymdardy saraptaý ulttyq ortalyǵynyń» bas Direktory Arnur Nurtaev elimizdegi meditsinalyq maska jetispeýshiligi máselesin túsindirgen edi.
Aita keteiik, qazirgi ýaqytta álemde COVID-19 virýsyn juqtyrǵandar sany 90 893 adam jáne odan 3110 adam qaitys boldy.
Sońǵy 48 saǵatta Qytaidan tysqary jerde tirkelgen 1848 naýqastyń 80%-y úsh elge tiesili: Iran, Italiia jáne Ońtústik Koreia.
