Áleýmettik jelilerde koronavirýs infektsiiasynyń 5G signaly arqyly taralatynyna qatysty video paida boldy, dep habarlaidy "Ult aqparat".
Videoda arnaiy jumys kiimin kigen er adam 5G signalyn taratatyn baǵanaǵa arnalǵan montajdaý taqtasyn kórsetedi. Qurylǵyda COV-19 jazýy kórinedi. Rolik avtorynyń pikirinshe, bul koronavirýs infektsiiasynyń 5G signaldary arqyly taralatyndyǵy týraly teoriiany dáleldeidi-mys.
stopfake.kz saitynyń jazýynsha, taqtadan óndirýshiniń derekteri siiaqty basqa da jazýlardy kórýge bolady. Olarǵa sáikes, qurylǵy Taivannyń Hannstar fabrikasynda jasalǵan.
Kompaniia teledidar jabdyqtary men displeilerdi shyǵarýmen ainalysady. Ol telefoniiamen nemese internet-jabdyqpen bailanysty eshteńe shyǵarmaidy.
Sondai-aq, videoda avtor kórsetken bólshektiń SCART konnektory bar ekenin baiqaimyz. Ol teledidar men basqa video qurylǵyǵa, mysaly, beinemagnitofonǵa nemese DVD oinatqyshqa qosylý úshin paidalanylady. Qazir konnektorlardyń bul túrleri eski bolyp sanalady. Olardyń ornyna HDMI porttary keńinen qoldanylady.
– Bul COV-19 tańbalary jazylǵan eshqandai komponentteri bomlaǵan óte eski teledidardyń tirkemesinen alynǵan. Onyń mobildi internet-jelilerge, sondai-aq 5G qoldanýǵa esh qatysy joq, – dep habarlady Virgin Media kompaniiasynyń ókili Saimon Dornan óziniń Associated Press-ke jazǵan hatynda.
Rolik avtorynyń 5G jelileriniń qaýiptiligi týraly basqa málimdemelerine de esh negiz joq. Jalpy, innovatsiialyq ádistiń jumys isteý printsipi 3G jáne 4G jelileriniń qazirgi jumysynan erekshelenbeidi. Bir ǵana aiyrmashylyǵy – jańa format joǵary ótkizý qabilettiligin qamtamasyz etedi. Birinshi Pre-5G bazalyq stantsiiasy 2015 jyly Barselonada iske qosyldy. 2016 jyly bul tehnologiia Reseide alǵash ret synaldy. Ol kezde málimetterdi taratý jyldamdyǵy 4,5 Gbit/sek bolǵan. Aita keteiik, signaldyń áreket etý radiýsynda qustardyń, janýarlardyń nemese jándikterdiń jappai qyrylý faktileri tirkelgen joq. Sondai-aq, adamdardan tynys alý, bas aýrýy jáne basqa da aýrýlar týraly shaǵymdar bolmaǵan joq.
5G jelileri men COVID-19 bailanysy DDSU saitynda joqqa shyǵarylǵan bolatyn.
– Virýstar radiosignaldarmen nemese uialy bailanys tolqyndarymen taralmaidy. COVID-19 indeti 5G jelileri tartylmaǵan kóptegen elderde taralýda, delingen uiymnyń resmi internet-portalynda.
Bul pandemiia men 5G signaldarynyń bailanysyn «áshkereleitin» mifterdiń biri ǵana. Buǵan deiin StopFake.kz osy tehnologiianyń kómegimen «Aqyl-oidy baqylaý» týraly habarlamamen feik taratylym týraly jazǵan bolatyn.
