Qazaqstan Respýblikasynyń Qarjy naryǵyn retteý jáne damytý agenttigi koronavirýs taqyrybyn jeleý etken alaiaqtardyń jumysy jandanǵanyn málim etti, dep habarlaidy "Ult aqparat".
«Fingramota.kz koronavirýs infektsiiasy taqyrybyna bailanysty qarjylyq alaiaqtyqtyń jańa túrleriniń taralǵany týraly eskertedi. Alaiaqtar internette jáne áleýmettik jelilerde COVID-19 diagnostikasy boiynsha qyzmet kórsetý, áýe jáne temirjol biletteriniń, teatr jáne kontsertter biletteriniń qunyn qaitarý, 42 500 teńge mólsherindegi áleýmettik kómekti qosa alǵanda, ártúrli járdemaqy alý týraly habarlandyrýlar taratady», - delingen habarlamada.
Alaiaqtar ózderin qarjy uiymdarynyń qyzmetkerimiz dep tanystyryp, nesieler boiynsha tólem merzimin keiinge qaldyrý, banktik shottar ashý jáne bankterge, mikroqarjy uiymdaryna, lombardtarǵa ótinish berý boiynsha qyzmetterdi usyna otyryp, qaryz alýshylarǵa habarlasady.
«Alaiaqtar koronavirýs, qorǵanysh quraldaryn satyp alý nemese osy infektsiiadan emdeý týraly aqparat bar elektrondyq hattardy belsendi túrde taratady. Osy elektrondyq habarlarda derbes derekterdi engizý nemese banktik operatsiialardy júrgizý qajettiligi jónindegi ártúrli siltemeler kórsetiledi», - dep atalyp ótken egenttik málimetinde.
