Koronavirýsty 5-6 saǵattyń ishinde anyqtaýǵa múmkinshilik bar.
Bul týraly búgin Nur-Sultan qalalyq taýarlar men qyzmetterdiń sapasyn jáne qaýipsizdigin baqylaý departamentiniń basshysy Zeken Isaqov aitty, dep habarlaidy "Ult aqparat".
«Diagnositkalyq algoritm ázirlengen. «Ulttyq saraptamalar ortalyǵy» RMK virýsologiia zerthanasy, Asa qaýipti juqpaly aýrýlar ulttyq ortalyǵy, Sanitarlyq-epidemiologiialyq saraptama jáne monitoring ǵylymi-óndiristik ortalyǵy úsh deńgeili baqylaý júrgizedi. Reseide, Qytaida shyǵarylǵan testter bar. Dúniejúzilik densaýlyq saqtaý uiymy tarapynan da naqty kómek kórsetilip jatyr. Biz 5-6 saǵattyń ishinde nátijesin bere alamyz», - dedi ol.
Departament basshysynyń atap ótýinshe, elordada sanitarlyq jáne infektsiialyq rejim kúsheitilgen. Koronovirýs taralǵan jaǵdaida qarsy áreket etý sharalary qabyldanyp, meditsina qyzmetkerlerine is-áreket algoritmi úiretilgen.
Sonymen qatar ol qaýipti virýstan saqtaný joldaryn da aitty.
«Jeke gigienany saqtaý qajet. Qorǵanýdyń eń ońai tásili barynsha tiimdi bolyp keledi. Betperde (maska) virýstan qorǵalatyndyǵyńyzǵa kepil bola almaidy. Degenmen, ony taǵý, sheshý jáne kádege jaratý erejesi bar. Ózin-ózi oqshaýlaý sharalary qajet. Halyq kóp baratyn nysandardy, qoǵamdyq kólikterdi zararsyzdandyrý boiynsha keshendi sharalar da qabyldanyp jatyr», - dedi Zeken Isaqov.
