Covid-19 juqtyrý jaǵdailarynyń sany sońǵy táýlikte rekordtyq kórsetkishke, 292,5 myńǵa jetti. Mundai kórsetkishti Dúniejúzilik densaýlyq saqtaý uiymy tirkedi. Bul týraly "Ult aqparat" uiymnyń saityna silteme jasap habarlaidy.
Kúndiz 253,7 myń aýrý juqtyrý jaǵdaiy anyqtaldy.
Álem boiynsha koronavirýs infektsiiasyna shaldyqqandardyń jalpy sany - 17,1 mln. Qaýipti virýstan 668 myń adam kóz jumǵan.
Covid-19 pandemiiasy bastalǵaly aýrý juqtyrǵandardyń basym kópshiligi Soltústik jáne Ońtústik Amerikada (9,1 mln adam) jáne Eýropada (3,3 mln adam) tirkelgen. Álemde aýrý juqtyrǵandjar sany boiynsha úshinshi orynda Ońtústik-Shyǵys Aziia tur. Munda 2 millionnan astam adam koronavirýs indetine shaldyqqan.
Jalpy jekelegen elder boiynsha Covid-19 juqtyrǵandar sany jóninen AQSh 4,3 mln adam) kósh bastap tur. Ekinshi orynda Braziliia (2,5 mln adam), úshinshi orynda Úndistan (1,6 mln adam) tur.
