Koronavirýstan jazyzylyp shyqqan azamattardyń biri Almatyda, ekinshisi Nur-Sultan qalasynda emdeldi. Bul týraly «Habar 24» telearnasynyń tikelei efirinen QR Aqparat jáne qoǵamdyq damý ministri Dáýren Abaev aitty, dep habarlaidy "Ult aqparat".
«Keshe aitqanymyzdai koronavirýstan eki adam jazylyp shyqty. Olardyń bireýi Almaty, ekinshisi Nur-Sultan qalasynda emdeldi. Densaýlyq saqtaý ministrliginiń habary boiynsha, keshe osy aqparat taraǵan soń BAQ ókilderi patsientter týraly surap, habarlasqan eken. Sondyqtan dárigerlik qupiiany saqtaý jóninde taǵy da bir eske salamyz. Eshkim de koronavirýspen aýyrǵan adam retinde aty shyqqanyn qalamaityn shyǵar. Sizder sol adamnyń ornyna ózderińizdi qoiyp kórińizder. Olardyń barlyǵy óz azamattarymyz», - dedi Dáýren Abaev.
Onyń aitýynsha, koronavirýstan jazylǵan azamattar ózderine qatysty jeke málimetterdi jariia etpeýge quqyqtary bar.
«Biz ony syilaýymyz kerek. Sonymen birge eger ol adamdar týraly qandai da bir aqparat tapsańyzdar, ol kisilerdiń ruqsatynsyz eshkimge bermeýlerińizdi suraimyz», - dedi ministr.
