Koronavirýs simptomdary basylǵan naýqas qaitadan PTR testileý tapsyrýǵa mindetti emes. Bul týraly elordalyq №5 qalalyq emhana direktory Altynshash Tabyldina jaýap berdi, dep habarlaidy QazAqparat.
«Naýqastyń dene qyzýy túsip, sońǵy úsh kúnde qaita kóterilmese, simptomdary azaiyp, ózge belgiler mazalamaityn bolsa, qaitadan PTR testileý tapsyrýǵa mindetti emes. Dárigerler ony baqylaýdan bosatady», - dedi dáriger Ortalyq kommýnikatsiialar qyzmetinde ótken onlain brifingte.
Spikerdiń aitýynsha, COVID-19 virýsy tabylǵan biraq simptomy joq naýqastar 14 kún boiy dárigerler baqylaýynda bolady.
«Eger 14 kúnde esh simptom baiqalmasa, naýqastyń jai-kúii jaqsy bolsa, ony baqylaýdan alamyz. Odan keiin PTR testileý nemese ózge de tekserý mindetti emes», - dedi A. Tabyldina.
