COVID-19 koronavirýsyna shaldyǵyp, emdelip shyqqan amerikalyq qazaqstandyqtarǵa keńes berdi, dep habarlaidy "Ult aqparat".
AQSh-ta 140 myń adam infektsiia juqtyrdy. Niý-Iorktiń naýqastarǵa toly aýrýhanalary barlyǵyn ornalastyra almai jatyr. Kóptegen adamdar dárigerlerdiń nusqaýymen aýrýmen úide oqshaýlanyp kúresip jatyr.
Niý-Iork turǵyny Marissa Kote solardyń biri. Áiel aýrý belgileri erekshe bolmaǵandyqtan COVID-19-ǵa tapsyrǵan testi oń nátije beredi dep kútpegen. Jótelmegen jáne tynys alýy nasharlamaǵan. Marissa bir aptadan keiin ózin jaqsy sezine bastaǵan, biraq tolyqtai saýyǵyp ketkenshe úide oqshaýlanǵan.
Marissa Kote úide qalý kerektigin atap ótti. Jas kelinshek «Habar-24» telearnasynyń efirinde bizdiń elimizdiń azamattaryna óz keńesin aitty.
«Men qazaqstandyqtarǵa mynadai keńes bergim keledi – kóńildi bolyp júrý asa mańyzdy. Suiyqtyq kóp ishińizder, dárýmender men dárigerler jazyp bergen dári-dármekterdi ishe berińizder. Úidi tolyqtai – barlyq zattardy dezinfektsiialaý qajet. Belgili bolǵandai, kóptegen adamdar jazylyp kele jatyr», - dedi ol.
