Koronavirýstan kóz jumǵandarǵa eksgýmatsiia jasalmaidy. Bul týraly Taýarlar men qyzmetterdiń sapasy men qaýipsizdigin baqylaý departamentiniń basshysy Aizat Moldaqasymova aitty, - dep habarlaidy QazAqparat.
«Ólgen adamdarǵa qatysty qazir olarmen bailanysta bolǵan adamdar arasynda tekserý bastaldy. Qazir emhana qyzmeti aýrý oshaqtary boiynsha adamdardy tekserip jatyr. Aldaǵy ýaqytta qaitys bolǵan adamdarmen buryn birge turǵandar da tekseriledi», - dedi Aizat Moldaqasymova onlain-brifing barysynda.
Onyń aitýynsha, koronavirýstan kóz jumyp, jerlengen adamdardyń denesi qazylyp alynbaidy.
«Virýstan kóz jumǵandarǵa eksgýmatsiia jasalmaidy. Biz pnevmoniiamen aýyrǵan adamdar arasynda epidemiologiialyq taldaý júrgizemiz. 25 sáýirden bastap ókpe pnevmoniiasymen aýyrǵan adamdardyń barlyǵyn koronavirýs infektsiiasyna tekserý bastalady. Bul jaǵdai boiynsha qalada 277 adam tirkelgen. 248 adam taldaýdan ótti. Olardyń ishinde 25 adamda taldaý oń nátije kórsetti. Al pnevmoniiadan kóz jumǵan adamdardyń ainalasyndaǵy adamdardy virýsqa tekserip, statistikalyq málimet jinaityn bolamyz. Búginde poliklinikalyq qyzmet taldaýdy bastap ketti. Sonyń nátijesinde aýyrǵandarmen bailanysta bolǵan tulǵalar anyqtalady», - dedi A.Moldaqasymova.
