Ońaltý kómegi jónindegi ulttyq úilestirýshi, dáriger-reabilitolog Aigúl Hasenova koronavirýstan keiingi saýyqtyrý qansha kezeńge sozylatynyn aitty, dep habarlaidy QazAqparat.
«Ońaltýdyń úsh kezeńi bar. Birinshi kezeń – adam endi aýyryp, erterek ońaltý qajettiligi. Bul kezeń negizgi aýrýdy emdeý protsesin qamtidy. Odan keiin kúrdeli protsess bolyp, adam densaýlyǵy birshama nasharlaǵan kezde ońaltýdyń ekinshi kezeńine kóshedi. Bul kezeń aýyrǵan sátten bastap 9 ai boiy júredi. Atalǵan kezeńde ońaltýdyń ekinshi kezeńin ótkizýge kelisishart jasalǵan staionarlarda naýqas táýlik boiy bolady», - dedi ol COVID-19-dan keiingi ońaltý máselelerine arnalǵan onlain dáris barysynda.
Onyń aitýynsha, munan keiin patsient ońaltýdyń úshinshi kezeńine tap bolady.
Al bul kezeńdegi saýyqtyrý ereksekter úshin jylyna 2 ret, balalar úshin 3 ret ótýi múmkin.
«Árine, beiindi mamandarmen birlese otyryp baǵa beretin, saýyqtyrý áleýetin aiqyndaityn mýltidistsiplinarlyq komanda da bar. Óitkeni, kei naýqastar ońaltýdyń ekinshi kezeńinen attap ótip, birden úshinshi kezeńine túsip jatady», - dedi Aigúl Hasenova.
