Shymkentte koronavirýstan qaitys bolǵan meditsina qyzmetkerlerin eske alý sharasy ótti, dep habarlaidy "Ult aqparat".
«Ózgeni qutqaryp, óz janyn pida etken» atty aktsiia aiasynda pandemiia kezinde kóz jumǵan aq halattylardyń týǵan-týystaryna tósbelgiler tabystaldy. Elimizde qaýipti indet órshigen tusta Túrkistan oblysynda 32, al Shymkent qalasynda 21 aýrýhana qyzmetkeri qaitys bolǵan edi. Olardyń qatarynda dárigerler men medbikeler, tazalyq qyzmetkerleri men júrgizýshiler bar. «Ońtústik» meditsina qyzmetkerleri qaýymdastyǵy» qoǵamdyq birlestiginiń uiymdastyrýymen ótken shara barysynda marqumdardyń eren erligi sóz bolyp, bir sát únsizdikpen eske alý rásimi ótti. Árýaqtarǵa arnalyp quran baǵyshtalyp, eskerkish taqtaishaǵa gúl shoqtary qoiyldy. Jiynǵa qatysqan týǵan-týystaryna «Ómir úshin», «Altyn dáriger» jáne «Meiirim» tósbelgi-medaldary tapsyryldy. Mundai bastamaǵa kópshilik rizashylyǵyn bildirip, óz usynystaryn ortaǵa saldy. Aktsiiany uiymdastyrýǵa «DENSAULYG» densaýlyq saqtaý uiymdary jumyskerleriniń kásipodaǵy men ózge de kásipodaq uiymdary atsalysty.
Aita keteiik, buǵan deiin pandemiia kezinde Túrkistan oblysy boiynsha qaza tapqan meditsina qyzmetkerleriniń otbasyna kásipodaq uiymy atynan kómek retinde 100 myń teńgeden berilgen bolatyn.
