Koronavirýstan qaitys bolǵan adamdy jýyndyrý rásimine týǵan-týystarynan eki adam ǵana qatysa alady. Bul týraly QR Densaýlyq saqtaý vitse-ministri Ajar Ǵiniiat aitty, dep habarlaidy QazAqparat.
«Qazirgi ýaqytta jerleý rásimi respýblikanyń Bas memlekettik sanitar dárigeriniń qaýlysyna sáikes rettelip, júrgiziledi. Koronavirýs infektsiiasynan qaitys bolǵan adamnyń máiiti arnaiy orynda, iaǵni patalogoanatomiialyq morgtarda, bólimshelerde jýyndyrý kerek. Osy jýyndyrý rásimine týǵan-týystarynan eki adam qatysa alady. Týystary kirgizbes buryn qorǵanysh kiimdermen, quraldarmen qamtamasyz etiledi. Máiit jýyndyrylǵannan keiin jerleý úshin týǵan-týystaryna beriledi», - dedi vitse-ministr
Onyń aitýynsha, janaza rásimine marqumnyń tek týǵan-týystary qatysyp, ara qashyqty saqtaýy, maska taǵýy qajet.
«Búgingi tańda jýyndyrylyp berilgen máiitti dini qyzmetshilerge nemese týǵan-týystaryna ustaýǵa bolmaidy. Barlyq máiitter jalpy zirattarǵa jerlenip jatyr. Búgingi jerleý ádisi osyndai», - dedi Ajar Ǵiniiat.
