Elordada koronavirýspen kúresken azamattarymyzdyń erligine arnalǵan eskertkish qoiýymyz kerek. Bul týraly «BIZ BIRGEMIZ» onlain forýmda Qazaqstan Prezidenti Qasym-Jomart Toqaev aitty, dep habarlaidy "Ult aqparat".
"Búgingi forýmda koronavirýspen kúrestiń aldyńǵy shebinde júrgen azamattarǵa shynaiy rizashylyǵymdy bildirgim keledi. Osyǵan orai men «Halyq alǵysy» atty arnaiy medaldi tapsyrýdy uiǵardym. Bul osyndai qiyn qystaý ýaqytta aianbai eńbek etken azamattarǵa arnalǵan. Jańa memlekettik marapat osyndai naǵyz otanshylyl azamattarǵa tapsyrylady dep senemin. Búgin «BIZ BIRGEMIZ» jalpyulttyq onlain forýmy aiasynda osy medalmen bir top azamatty marapttaimyz", - dedi memleket basshysy.
QR Prezidenti jalpy pandemiiaǵa qarsy naýqanǵa belsendi at salysqan el turǵynary memlekettik nagradalarmen marapattalatyndyǵyn atap ótti.
"Osy indetten qutylǵan soń elordamyzda azamattarymyzdyń erligine arnalǵan eskertkish qoiýymyz kerek. Barsha Qazaqstan azamatyna amandyq, igilik tileimin. Biz mindetti túrde jeńemiz. Sebebi, biz birgemiz!", - dedi Qasym-Jomart Toqaev.
