Koronavirýs infektsiiasyna bailanysty tótenshe jaǵdai rejiminde jumys istep júrgen meditsina mamandarynyń eńbekaqysy 2-3 ese artady, dep habarlaidy "Ult aqparat".
Bul týraly QR Densaýlyq saqtaý ministrliginiń resmi ókili Dias Ahmetshárip «Qazaqstan» telearnasyndaǵy «Ashyq alan» baǵdarlamasynda aitty.
«Árine, dárigerlerge Úkimet tarapynan qoldaý kórsetýimiz kerek. Óitkeni maidannyń alǵashqy shebinde infektsiialyq aýrýhanalardaǵy dárigerler, infektsionister, jedel járdem, medbikeleri tur. Sol sebepti Densaýlyq saqtaý ministri Eljan Birtanovtiń tikelei buiryǵymen osy merzimde yntalandyrý jáne kómek baǵdarlamasy boiynsha olardyń ailyqtaryn 2-3 ese kóterip otyr. Bul tek qana sanitarlyq dárigerler, infektsionister syndy infektsiiamen kúresip júrgen mamandarǵa bailanysty», - dedi D. Ahmetshárip.
