Qazaqstanda daǵdarysqa qarsy kúreske bólingen qarjynyń jalpy kólemi 4 trln teńgeden asady. Bul týraly Habar24 arnasynda ótken onlain brifingte aityldy, dep habarlaidy "Ult aqparat".
«Ózderińiz biletindei, Qazaqstanda daǵdarysqa qarsy kúreske bólingen qarjynyń jalpy kólemi 4 trln teńgeden asady. Bul shyǵyndar respýblikalyq biýdjetten 2,1 trln teńge jáne infraqurylymdyq obligatsiialarǵa qarajat tartý esebinen júzege asyrylady. Sonymen birge Ulttyq qordan kepildendirilgen transfert 1 trln-ǵa artty. Koronavirýs jaǵdaiyna bailanysty ótken alǵashqy brifingterdiń birinde men Ulttyq qordyń qarajaty paidalanylmaitynyn aittym. Bul málimdeme durys bolmady, sol sebepti keshirim suraimyn», - deidi QR Aqparat jáne qoǵamdyq damý ministri Dáýren Abaev.
