Áleýmettik meditsinalyq saqtandyrý qorynyń basqarma tóraǵasy Bolat Tókejanov COVID-19 indetimen kúreske qansha qarajat jumsalǵanyn aitty, dep habarlaidy "Ult aqparat".
«Qazaqstandyqtar koronavirýs infektsiiasy men pnevmoniia kezinde meditsinalyq kómekti Áleýmettik meditsinalyq saqtandyrý qoryndaǵy mártebesine qaramastan tegin alady. Qor birinshi toqsanda koronavirýspen jáne pnevmoniiamen kúres boiynsha is-sharalardy qarjylandyrýǵa 71,6 mlrd teńge baǵyttady. Onyń ishinde: meditsina qyzmetkerlerine ústemeaqylar – 42,4 mlrd teńge, meditsinalyq kómekke jáne KVI taralýyn boldyrmaý qyzmetterine – 15,6 mlrd teńge bóldi. Karantindik jáne infektsiialyq statsionarlarda 95 myńnan astam adam emdeldi», - dedi qor basshysy.
Qordyń basqarma tóraǵasy usynǵan málimetke súiensek, PTR-diagnostika qyzmetine – 10,3 mlrd teńge, mobildi brigadalar quryp, jabdyqtaýǵa – 3 mlrd teńge, úidegi statsionarlar qyzmetine – 33,3 mln teńge jumsalǵan.
