QR Densaýlyq saqtaý ministri Eljan Birtanov koronavirýspen kúreske bólingen qarajattyń qaida jumsalatynyn aitty, dep habarlaidy "Ult aqparat".
«Bul Densaýlyq saqtaý ministrliginiń emes, Úkimettiń qyzmettik paidalaný rejimindegi qaýlysy. Shynymen de aityp berer edim, biraq oǵan meniń quqyǵym joq», - dedi ministr Úkimet otyrysy aldynda BAQ ókilderiniń saýalyna orai.
Onyń atap ótýinshe, elimiz boiynsha aýqymdy diagnostika júriziletin bolady.
«Tolyqtai alǵanda, qarajat betperde, kostiým, kózáinek, zararsyzdandyratyn quraldar, zerthana, teplovizorlar, diagnostikalaýǵa arnalǵan zerthanalyq jabdyqtar syndy qorǵanys zattaryn satyp alýǵa jumsalatyndyǵyn aita alamyn. Sebebi aýqymdy diagnostika júrgiziledi. Dárigerlerden bólek, shekarashylarǵa arnalǵan da bar. Al bul - qyzmettik aqparat», - dedi ministr.
