قر دەنساۋلىق ساقتاۋ مينيسترٸ ەلجان بٸرتانوۆ كوروناۆيرۋسپەن كٷرەسكە بٶلٸنگەن قاراجاتتىڭ قايدا جۇمسالاتىنىن ايتتى, دەپ حابارلايدى "ۇلت اقپارات".
«بۇل دەنساۋلىق ساقتاۋ مينيسترلٸگٸنٸڭ ەمەس, ٷكٸمەتتٸڭ قىزمەتتٸك پايدالانۋ رەجٸمٸندەگٸ قاۋلىسى. شىنىمەن دە ايتىپ بەرەر ەدٸم, بٸراق وعان مەنٸڭ قۇقىعىم جوق», - دەدٸ مينيستر ٷكٸمەت وتىرىسى الدىندا باق ٶكٸلدەرٸنٸڭ ساۋالىنا وراي.
ونىڭ اتاپ ٶتۋٸنشە, ەلٸمٸز بويىنشا اۋقىمدى دياگنوستيكا جٷرٸزٸلەتٸن بولادى.
«تولىقتاي العاندا, قاراجات بەتپەردە, كوستيۋم, كٶزەينەك, زارارسىزداندىراتىن قۇرالدار, زەرتحانا, تەپلوۆيزورلار, دياگنوستيكالاۋعا ارنالعان زەرتحانالىق جابدىقتار سىندى قورعانىس زاتتارىن ساتىپ الۋعا جۇمسالاتىندىعىن ايتا الامىن. سەبەبٸ اۋقىمدى دياگنوستيكا جٷرگٸزٸلەدٸ. دەرٸگەرلەردەن بٶلەك, شەكاراشىلارعا ارنالعان دا بار. ال بۇل - قىزمەتتٸك اقپارات», - دەدٸ مينيستر.
