Ákimdikter vaktsina alatyndardyń sanyn arttyrý boiynsha is-sharalar qabyldaýy qajet. Bul týraly Úkimet otyrysynda QR Premer-Ministri Asqar Mamin aitty, dep habarlaidy "Ult aqparat".
«Densaýlyq saqtaý ministrligine, ákimdikterge vaktsina alatyndardyń sanyn arttyrý boiynsha is-sharalar qabyldaýdy jáne óńirlerge vaktsinatsiialaý josparyna sáikes vaktsinany jetkizýdi qamtamasyz etýdi tapsyramyn», - dedi Asqar Mamin.
Úkimet basshysy Aqparat jáne qoǵamdyq damý ministrligine media-jospardy jańartýdy jáne Densaýlyq saqtaý ministrligimen, ákimdiktermen birlesip vaktsinatsiialaýdyń mańyzdylyǵy týraly aqparattyq-túsindirý jumystaryn keńinen júrgizýdy júktedi.
«Densaýlyq saqtaý, Tsifrlandyrý, Ishki ister ministrlikteri, «Atameken» palatasy, óńirlerdiń ákimdikteri sáýirdiń sońyna deiin biznes sýbektileriniń qyzmetin jańartý jáne epidemiiaǵa qarsy is-sharalardy júrgizý úshin «adamdardyń shoǵyrlaný oryndaryn anyqtaý kartalaryn» engizý men mobildi monitoringteý toptarynyń tiimdiligin jaqsartý maqsatynda barlyq óńirlerge «Ashyq» jobasyn engizsin», - degen Premer-Ministr bul tapsyrmalardyń oryndalýyn baqylaýdy orynbasary Eraly Toǵjanovqa júktedi.
