Qyzylorda oblysynda koronavirýs infektsiiasynyń boljamdy ekinshi tolqynyna daiyndyq jumystary kúsheitildi, dep habarlaidy "Ult aqparat".
Qazir oblysta koronavirýs infektsiiasyna bailanysty jaǵdai turaqty. Meditsinalyq uiymdar shtattyq rejimde jumys isteýde. Aimaqta 3500 meditsina qyzmetkeriniń rezervi qurylǵan.
Qyzylorda qalasynda 200 adamǵa arnalǵan modýldik juqpaly aýrýlar aýrýhanasynyń qurylysy júrgizilýde. Kópbeiindi oblystyq aýrýhanada jáne Qazaly aýdanaralyq aýrýhanasynda demeýshiler esebinen ottegi stantsiiasy salynýda.
«Tez soǵylatyn modýldi infektsiialyq aýrýhananyń qurylysy jeltoqsan aiynyń birinshi onkúndiginde aiaqtalady. Onda naýqastardyń em alýyna tolyq jaǵdai jasalady. Emdeý ornynda jergilikti dárigerler qyzmet atqarady», - dedi oblystyq densaýlyq saqtaý basqarmasynyń basshysy Sábit Pazylov.
Jyl basynda oblysta ókpeni jasandy jeldetý (IVL) apparatynyń sany 76 bolǵan edi. Qazirgi tańda olardyń sany 244 danaǵa jetti.
