2020 jylǵy biýdjet kirisiniń shyǵyny 1,7 trln teńgege baǵalanyp otyr. Bul týraly Úkimettiń keńeitilgen otyrysynda Memleket basshysy Qasym-Jomart Toqaev aitty, dep habarlaidy "Ult aqparat" Aqorda baspasóz qyzmetiniń Twitter-degi paraqshasyna silteme jasap.
«Karantin men munai baǵasynyń tómendeýi biýdjet kiristeriniń kúrt qysqarýyna alyp keldi. 2020 jylǵy biýdjet kirisiniń shyǵyny 1,7 trln teńgege baǵalanyp otyr. Qazirgi ýaqytta biýdjet turaqtylyǵy Ulttyq qordan transfertter esebinen qamtamasyz etilip otyr», - dedi Memlket basshysy.
Q.Toqaevtyń atap ótýinshe, biyl Ulttyq qordan alynatyn kepildendirilgen transfert kólemi 4,7 trln teńgege deiin ulǵaitylǵan.
«2021 jyldan bastap Ulttyq qordan alynatyn transfertter tek qana maqsatty sipatta bolýy tiis. Ol áleýmettik problemalardy sheshý men infraqurylymdy damytýǵa ǵana baǵyttalýy múmkin», - dedi QR Prezidenti
Qasym-Jomart Toqaev biýdjet turaqtylyǵyn qamtamasyz etý, eń birinshi, tiimsiz shyǵyndardy qysqartýdan bastalýy kerektigin basa aitty.
«2021 jylǵa arnalǵan biýdjet shyǵyndaryn ońtailandyrý jumystary bastaldy. Osy maqsatta 1,6 trln teńgeni qysqartý josparlanyp otyr. Qazirgi jaǵdaida bul nashar kórsetkish emes», - dedi QR Prezidenti.
