2020 جىلعى بيۋدجەت كٸرٸسٸنٸڭ شىعىنى 1,7 ترلن تەڭگەگە باعالانىپ وتىر. بۇل تۋرالى ٷكٸمەتتٸڭ كەڭەيتٸلگەن وتىرىسىندا مەملەكەت باسشىسى قاسىم-جومارت توقاەۆ ايتتى, دەپ حابارلايدى "ۇلت اقپارات" اقوردا باسپاسٶز قىزمەتٸنٸڭ Twitter-دەگٸ پاراقشاسىنا سٸلتەمە جاساپ.
«كارانتين مەن مۇناي باعاسىنىڭ تٶمەندەۋٸ بيۋدجەت كٸرٸستەرٸنٸڭ كٷرت قىسقارۋىنا الىپ كەلدٸ. 2020 جىلعى بيۋدجەت كٸرٸسٸنٸڭ شىعىنى 1,7 ترلن تەڭگەگە باعالانىپ وتىر. قازٸرگٸ ۋاقىتتا بيۋدجەت تۇراقتىلىعى ۇلتتىق قوردان ترانسفەرتتەر ەسەبٸنەن قامتاماسىز ەتٸلٸپ وتىر», - دەدٸ مەملكەت باسشىسى.
ق.توقاەۆتىڭ اتاپ ٶتۋٸنشە, بيىل ۇلتتىق قوردان الىناتىن كەپٸلدەندٸرٸلگەن ترانسفەرت كٶلەمٸ 4,7 ترلن تەڭگەگە دەيٸن ۇلعايتىلعان.
«2021 جىلدان باستاپ ۇلتتىق قوردان الىناتىن ترانسفەرتتەر تەك قانا ماقساتتى سيپاتتا بولۋى تيٸس. ول ەلەۋمەتتٸك پروبلەمالاردى شەشۋ مەن ينفراقۇرىلىمدى دامىتۋعا عانا باعىتتالۋى مٷمكٸن», - دەدٸ قر پرەزيدەنتٸ
قاسىم-جومارت توقاەۆ بيۋدجەت تۇراقتىلىعىن قامتاماسىز ەتۋ, ەڭ بٸرٸنشٸ, تيٸمسٸز شىعىنداردى قىسقارتۋدان باستالۋى كەرەكتٸگٸن باسا ايتتى.
«2021 جىلعا ارنالعان بيۋدجەت شىعىندارىن وڭتايلاندىرۋ جۇمىستارى باستالدى. وسى ماقساتتا 1,6 ترلن تەڭگەنٸ قىسقارتۋ جوسپارلانىپ وتىر. قازٸرگٸ جاعدايدا بۇل ناشار كٶرسەتكٸش ەمەس», - دەدٸ قر پرەزيدەنتٸ.
