Koronavirýspen aýyrǵandardyń 90 paiyzǵa jýyǵy ambýlatorlyq em alyp jatyr. Bul týraly QR DSM meditsinalyq kómekti uiymdastyrý departamenti direktorynyń orynbasary Kúláiim Birjanova aitty, dep habarlaidy QazAqparat.
«Búgindi tańda alǵashqy meditsinalyq-sanitariialyq kómek kórsetý uiymdary shtattyq rejimde jumys istep tur. Filtr kabinetterimen qamtylǵan, sanitarlyq-dezinfektsiialyq jáne epidemoloiialyq rejim saqtaýly. Aýyrǵandardyń 90 paiyzǵa jýyǵy ambýlatorlyq deńgeide em alyp jatyr», - dedi Kúláiim Birjanova ortalyq kommýnikatsiialar qyzmetindegi baspasóz máslihatynda.
Onyń aitýynsha, KVI juqtyrǵan naýqastarǵa ýaqytyly meditsinalyq kómek kórsetý úshin alǵashqy meditsinalyq-sanitariialyq kómek deńgeiinde 2 387 mobildi brigada uiymdastyrylǵan.
Onyń 1010-i - aýyldyq jerlerde. 2022 jyldyń birinshi jartyjyldyǵynda brigadalar 815 423 shaqyrýǵa barǵan.
Eń kóp shaqyrý Qaraǵandy oblysynda jáne Nur-Sultan, Almaty qalalarynda tirkelgen.
Jedel meditsinalyq járdem kórsetý úshin 2 254 meditsinalyq avtokólik, 33 áýe kóligi, onyń ishinde 20 ushaq pen 13 tikushaq bar.
Sondai-aq 1 484 jedel meditsnalyq járdem brigadasy qyzmet kórsetedi.
20 shildedegi jaǵdai boiynsha jedel járdem shaqyrý 2021 jyldyń uqsas kezeńimen salystyrǵanda 9,4 paiyzǵa artqan.
