Ortalyq kommýnikatsiialar qyzmetinde ótken brifingte «Áleýmettik meditsinalyq saqtandyrý qory» KeAQ meditsinalyq kómektiń sapasyn baqylaý departamentiniń direktory Lazzat Shomanova koronavirýspen aýyrǵan adamdy emdeýge qansha qarajat ketetinin aitty, dep habarlaidy QazAqparat.
«Koronavirýspen aýyrǵan naýqasty emdeýǵa qansha qarajat ketetini aýrýdyń qalai ótip jatqanyna bailanysty. Syrqat jeńil, ortasha nemese aýyr jaǵdaida ótýi múmkin. Ortasha deńgeide aýyryp jatqan adamǵa 400 myń teńgeden astam qarajat ketedi. Aýyr túrde aýyryp jatqan adamǵa 800 myń teńgeden astam qarajat jumsalady. Bul somaǵa barlyq zerthanalyq jáne diagnostikalyq qyzmetterdiń quny, sondai-aq, naýqastyń aýrýhanada alatyn emi kiredi», - deidi «Áleýmettik meditsinalyq saqtandyrý qory» KeAQ meditsinalyq kómektiń sapasyn baqylaý departamentiniń direktory Lazzat Shomanova.
Eske sala ketsek, «Áleýmettik meditsinalyq saqtandyrý qorynyń» basqarma tóraǵasy Bolat Tókejanov ótken jyly koronavirýs infektsiiasymen kúres sheńberinde is-sharalardy qarjylandyrý úshin mindetti áleýmettik meditsinalyq saqtandyrý qorynan 187,7 mlrd teńge bólingenin aitqan bolatyn.
