Koronavirýspen aýrýhanada jatqan naýqastar sany azaiyp keledi. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy QazAqparat.
«Kúndelikti monitoringke sáikes, óńirler sheginde tósek-oryn júktemesi osy jyldyń 25 mamyryndaǵy jaǵdaiǵa sáikes, respýblika boiynsha infektsiialyq tósek-oryndardyń júktemesi 33 paiyzdy quraidy jáne mamyr aiynyń alǵashqy kúnderimen salystyrǵanda, 8 paiyzǵa, reanimatsiialyq tósek-oryndar júktemesi 2 paiyzǵa tómendedi», - dedi ministr.
Onyń atap ótýinshe, buǵan deiin tósek-oryn júktemesi joǵary bolǵan óńirlerde de mundai kórsetkish tómendep kele jatyr.
«Nur-Sultan qalasynda tósek-oryn júktemesiniń oń dinamikasy baiqalyp, mamyr aiynda tósek-oryn júktemesiniń jalpy úlesi 60-tan 47 paiyzǵa deiin, Almaty qalasynda 57-den 35 paiyzǵa deiin, Almaty oblysynda 56-dan 36 paiyzǵa deiin tómendedi», - dedi Aleksei Tsoi.
