Qazaqstanda koronavirýsqa shaldyǵý kórsetkishi birtindep tómendep keledi. Bul týraly búgin Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Sońǵy úsh apta boiy naýqastaný dinamikasy is júzinde bir deńgeide saqtalyp otyr deýge bolady. Degenmen, ótken aptada naýqastaný kórsetkishi 2 paiyzǵa tómendedi. Al ólim-jitim kórsetkishi aldyńǵy apta deńgeiinde saqtalyp otyr», - dedi Densaýlyq saqtaý ministri.
Aleksei Tsoidyń dereginshe, táýekeli joǵary aimaqta 9 óńir, atap aitqanda Nur-Sultan, Almaty, Shymkent qalalary, Aqmola, Batys Qazaqstan, Jambyl, Qaraǵandy, Qyzylorda jáne Pavlodar oblystary tur. Bul rette Pavlodar men Jambyl oblysy «qyzyl» aimaqqa ótken aptada ótti.
