قازاقستاندا كوروناۆيرۋسقا شالدىعۋ كٶرسەتكٸشٸ بٸرتٸندەپ تٶمەندەپ كەلەدٸ. بۇل تۋرالى بٷگٸن ٷكٸمەت وتىرىسىندا قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى "ۇلت اقپارات".
«سوڭعى ٷش اپتا بويى ناۋقاستانۋ ديناميكاسى ٸس جٷزٸندە بٸر دەڭگەيدە ساقتالىپ وتىر دەۋگە بولادى. دەگەنمەن, ٶتكەن اپتادا ناۋقاستانۋ كٶرسەتكٸشٸ 2 پايىزعا تٶمەندەدٸ. ال ٶلٸم-جٸتٸم كٶرسەتكٸشٸ الدىڭعى اپتا دەڭگەيٸندە ساقتالىپ وتىر», - دەدٸ دەنساۋلىق ساقتاۋ مينيسترٸ.
الەكسەي تسويدىڭ دەرەگٸنشە, تەۋەكەلٸ جوعارى ايماقتا 9 ٶڭٸر, اتاپ ايتقاندا نۇر-سۇلتان, الماتى, شىمكەنت قالالارى, اقمولا, باتىس قازاقستان, جامبىل, قاراعاندى, قىزىلوردا جەنە پاۆلودار وبلىستارى تۇر. بۇل رەتتە پاۆلودار مەن جامبىل وبلىسى «قىزىل» ايماققا ٶتكەن اپتادا ٶتتٸ.
