QR Densaýlyq saqtaý ministrliginiń resmi ókili Baǵdat Qojahmetov PTR synaǵyn tegin tapsyrý joldaryn túsindirdi, dep habarlaidy QazAqparat.
«Qazaqstan Respýblikasynyń kez kelgen azamaty koronavirýs infektsiiasyn juqtyryp aldym dep kúdiktense, 103 telefonyna habarlasa alady. Nemese ózi tirkelgen emhanaǵa baryp, óz dárigerine qaýip týraly aitsa, onyń PTR synaǵyn tegin tapsyrý múmkindigi bar», - dep jaýap berdi B. Qojahmetov Ortalyq kommýnikatsiialar qyzmetinde tilshi suraǵyna.
Onyń aitýynsha, Qazaqstanda 2 mln 600 myń PTR testileý júrgizilgen. Onyń ár 26-shysy koronavirýs infektsiiasy bar degen nátije kórsetken.
«Qazirgi ýaqytta respýblika boiynsha kúnine 40 myń testileý jasaý múmkindigi bar. Jyl sońyna deiin onyń sany 64 myńǵa deiin artady», - dedi resmi ókil.
