Qytai astanasynda koronavirýsqa qarsy vaktsinatsiia jasatýǵa kezek paida boldy. Álemdegi osy jáne ózge de jańalyqtar Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram-kanalynda usynylǵan.
«Osy aptada Qytaida jappai vaktsinatsiialaý naýqany júrgizilýde. El biligi Qytai Jańa jyl merekesi bastalǵanǵa deiin milliondaǵan adamǵa ekpe egýdi josparlap otyr. Vaktsinatsiianyń alǵashqy eki kúninde Beijińde preparattyń alǵashqy dozasyn 73 myńnan astam adam alǵan. Qytai astanasynda bul úshin kezek paida bolǵan. Ekpeler aldymen avtobýs júrgizýshileri men áleýmettik qyzmetkerlerge jasalyp jatyr», - delingen aqparatta.
Al Angliiada koronavirýstyń jańa, óte juqpaly shtammynyń tez taralýynyń kesirinen epidemiologiialyq ahýal nasharlap, el aýmaǵynda qatań shekteý sharalary engizildi. Dúisenbi kúni Britaniiada koronavirýs infektsiiasyn juqtyrǵan 58 myńnan astam jańa jaǵdai tirkeldi, 407 adam qaitys boldy.
Shotlandiiada 5 qańtardan bastap qatań karantin engizildi. Ony turǵyndar zań boiynsha saqtaýǵa mindetti. Asa qajet bolmaǵan jaǵdaida úiden shyǵýǵa tyiym salynǵan. Mektepter aqpan aiyna deiin jabyq bolady.
Japoniia biligi bolsa jappai vaktsinatsiia qalypty rejimge oralýǵa jáne jazǵy Olimpiada oiyndaryn ótkizýge múmkindik beretinine kúmitti. Biraq ázirge el astanasynda SOVID-19 tez taralýda jáne qalada tótenshe jaǵdai jariialanýy múmkin. 2020 jyldyń 31 jeltoqsanynda Japoniiada koronavirýs infektsiiasyn juqtyrýdyń táýliktik ósimi rekordtyq deńgeidi kórsetti – 4 520 jaǵdai, al jeksenbi kúni – 3 158 naýqas tirkeldi.
