Qyrǵyzstan koronavirýsqa qarsy vaktsina alǵan týristerdi qabyldaýǵa daiyn. Kanada atalmysh indetke qarsy birneshe vaktsinany aralastyryp qoldanýǵa ruqsat berdi, dep habarlaidy "Ult aqparat".
Kanadada COVID-19-ǵa qarsy vaktsinalardy aralastyra qoldaný maquldandy. Eldiń Immýndaý jónindegi ulttyq konsýltativtik komitetiniń habarlaýynsha, AstraZeneca vaktsinasynyń alǵashqy komponentin saldyrǵan azamattar ekpeniń ekinshi dozasy retinde osy preparatty nemese Moderna jáne Pfizer ekpelerin qabyldai alady. Eger birinshi ekpe Moderna nemese Pfizer preparatymen jasalsa, ekinshi komponent tek osy eki kompaniianyń preparattarymen jasalýy qajet. Bul usynystar Ispaniia men Ulybritaniiada júrgizilgen jańa zertteýlerge negizdelgen. Zertteý nátijeleri AstraZeneca jáne Pfizer vaktsinalaryn aralastyrý COVID-19-dyń aldyn alý úshin qaýipsiz jáne tiimdi ekendigin kórsetti.
Eldiń densaýlyq saqtaý ministrliginiń basshysy Tereza Temnyń aitýynsha, mundai sheshim tarihta alǵash ret qabyldanyp jatqan joq. Ol buryn mundai sharanyń ártúrli vaktsinalarǵa, sonyń ishinde tumaý men A gepatitine qarsy ekpelerge qoldanylǵanyn atap ótti.
Perý biligi koronavirýstan bolatyn ólim-jitim statistikasyn qaita qaraǵan. Solai, kórsetkish 2,5 ese artqan. Bul statistikamen Perý koronavirýs infektsiiasynan jan basyna shaqqandaǵy kórsetkish boiynsha álemde birinshi orynǵa shyqty.
El premer-ministri Violeta Bermýdestiń málimdeýinshe, kórsetkishter Perý jáne halyqaralyq sarapshylardyń usynysy boiynsha qaita qaralyp, onda eldegi artyq ólim jaǵdailary eskerildi.
Jańa málimetterge sáikes, Perýde pandemiia bastalǵannan beri 180 764 adam qaitys bolǵan. Eski esep boiynsha bul kórsetkish 69,3 myń adam edi.
Germaniianyń árbir ekinshi turǵyny pandemiia aiaqtalǵannan keiin betperde kiiýdi jalǵastyrǵysy keledi. Civey sotsiologiialyq institýty jariialaǵan saýalnamanyń nátijeleri mine, osyndai. Institýttyń derekterine qaraǵanda, bul kórsetkish 44,7% jetedi. Respondentterdiń 41,9% aldaǵy ýaqytta atalmysh qorǵanys quralynan bas tartýdy josparlap otyr. Saýalnamaǵa qatysýshylardyń qalǵan bóligi óz tańdaýyn áli jasaǵan joq.
Qyrǵyzstan koronavirýsqa qarsy egilgen sheteldik týristerdi qabyldaýǵa daiyn. Bul týraly Qyrǵyzstannyń Ekonomika jáne qarjy ministrligi janyndaǵy týrizm departamenti direktorynyń orynbasary Kyial Kenjematova habarlady.
Onyń aitýynsha, búgingi tańda eldiń týrizm departamenti koronavirýs pandemiiasynan keiin Qyrǵyzstandaǵy týrizm salasyn damytýǵa baǵyttalǵan algoritmdi ázirledi. Ol sheteldik týristerdiń sanitarlyq normalardy mindetti saqtaýyn kózdeidi. Sondai-aq, qujatta týrister Qyrǵyzstanǵa koronavirýsqa qarsy ekpeni alǵan jaǵdaida kele alatyndyǵy kórsetilgen.
Qazirgi ýaqytta atalmysh algoritm Qyrǵyzstannyń Syrtqy ister ministrliginiń qaraýynda jatyr.
