قىرعىزستان كوروناۆيرۋسقا قارسى ۆاكتسينا العان تۋريستەردٸ قابىلداۋعا دايىن. كانادا اتالمىش ٸندەتكە قارسى بٸرنەشە ۆاكتسينانى ارالاستىرىپ قولدانۋعا رۇقسات بەردٸ, دەپ حابارلايدى "ۇلت اقپارات".
كانادادا COVID-19-عا قارسى ۆاكتسينالاردى ارالاستىرا قولدانۋ ماقۇلداندى. ەلدٸڭ يممۋنداۋ جٶنٸندەگٸ ۇلتتىق كونسۋلتاتيۆتٸك كوميتەتٸنٸڭ حابارلاۋىنشا, AstraZeneca ۆاكتسيناسىنىڭ العاشقى كومپونەنتٸن سالدىرعان ازاماتتار ەكپەنٸڭ ەكٸنشٸ دوزاسى رەتٸندە وسى پرەپاراتتى نەمەسە Moderna جەنە Pfizer ەكپەلەرٸن قابىلداي الادى. ەگەر بٸرٸنشٸ ەكپە Moderna نەمەسە Pfizer پرەپاراتىمەن جاسالسا, ەكٸنشٸ كومپونەنت تەك وسى ەكٸ كومپانييانىڭ پرەپاراتتارىمەن جاسالۋى قاجەت. بۇل ۇسىنىستار يسپانييا مەن ۇلىبريتانييادا جٷرگٸزٸلگەن جاڭا زەرتتەۋلەرگە نەگٸزدەلگەن. زەرتتەۋ نەتيجەلەرٸ AstraZeneca جەنە Pfizer ۆاكتسينالارىن ارالاستىرۋ COVID-19-دىڭ الدىن الۋ ٷشٸن قاۋٸپسٸز جەنە تيٸمدٸ ەكەندٸگٸن كٶرسەتتٸ.
ەلدٸڭ دەنساۋلىق ساقتاۋ مينيسترلٸگٸنٸڭ باسشىسى تەرەزا تەمنىڭ ايتۋىنشا, مۇنداي شەشٸم تاريحتا العاش رەت قابىلدانىپ جاتقان جوق. ول بۇرىن مۇنداي شارانىڭ ەرتٷرلٸ ۆاكتسينالارعا, سونىڭ ٸشٸندە تۇماۋ مەن ا گەپاتيتٸنە قارسى ەكپەلەرگە قولدانىلعانىن اتاپ ٶتتٸ.
پەرۋ بيلٸگٸ كوروناۆيرۋستان بولاتىن ٶلٸم-جٸتٸم ستاتيستيكاسىن قايتا قاراعان. سولاي, كٶرسەتكٸش 2,5 ەسە ارتقان. بۇل ستاتيستيكامەن پەرۋ كوروناۆيرۋس ينفەكتسيياسىنان جان باسىنا شاققانداعى كٶرسەتكٸش بويىنشا ەلەمدە بٸرٸنشٸ ورىنعا شىقتى.
ەل پرەمەر-مينيسترٸ ۆيولەتا بەرمۋدەستٸڭ مەلٸمدەۋٸنشە, كٶرسەتكٸشتەر پەرۋ جەنە حالىقارالىق ساراپشىلاردىڭ ۇسىنىسى بويىنشا قايتا قارالىپ, وندا ەلدەگٸ ارتىق ٶلٸم جاعدايلارى ەسكەرٸلدٸ.
جاڭا مەلٸمەتتەرگە سەيكەس, پەرۋدە پاندەمييا باستالعاننان بەرٸ 180 764 ادام قايتىس بولعان. ەسكٸ ەسەپ بويىنشا بۇل كٶرسەتكٸش 69,3 مىڭ ادام ەدٸ.
گەرمانييانىڭ ەربٸر ەكٸنشٸ تۇرعىنى پاندەمييا اياقتالعاننان كەيٸن بەتپەردە كييۋدٸ جالعاستىرعىسى كەلەدٸ. Civey سوتسيولوگييالىق ينستيتۋتى جارييالاعان ساۋالنامانىڭ نەتيجەلەرٸ مٸنە, وسىنداي. ينستيتۋتتىڭ دەرەكتەرٸنە قاراعاندا, بۇل كٶرسەتكٸش 44,7% جەتەدٸ. رەسپوندەنتتەردٸڭ 41,9% الداعى ۋاقىتتا اتالمىش قورعانىس قۇرالىنان باس تارتۋدى جوسپارلاپ وتىر. ساۋالناماعا قاتىسۋشىلاردىڭ قالعان بٶلٸگٸ ٶز تاڭداۋىن ەلٸ جاساعان جوق.
قىرعىزستان كوروناۆيرۋسقا قارسى ەگٸلگەن شەتەلدٸك تۋريستەردٸ قابىلداۋعا دايىن. بۇل تۋرالى قىرعىزستاننىڭ ەكونوميكا جەنە قارجى مينيسترلٸگٸ جانىنداعى تۋريزم دەپارتامەنتٸ ديرەكتورىنىڭ ورىنباسارى كىيال كەنجەماتوۆا حابارلادى.
ونىڭ ايتۋىنشا, بٷگٸنگٸ تاڭدا ەلدٸڭ تۋريزم دەپارتامەنتٸ كوروناۆيرۋس پاندەميياسىنان كەيٸن قىرعىزستانداعى تۋريزم سالاسىن دامىتۋعا باعىتتالعان الگوريتمدٸ ەزٸرلەدٸ. ول شەتەلدٸك تۋريستەردٸڭ سانيتارلىق نورمالاردى مٸندەتتٸ ساقتاۋىن كٶزدەيدٸ. سونداي-اق, قۇجاتتا تۋريستەر قىرعىزستانعا كوروناۆيرۋسقا قارسى ەكپەنٸ العان جاعدايدا كەلە الاتىندىعى كٶرسەتٸلگەن.
قازٸرگٸ ۋاقىتتا اتالمىش الگوريتم قىرعىزستاننىڭ سىرتقى ٸستەر مينيسترلٸگٸنٸڭ قاراۋىندا جاتىر.
