Koronavirýsqa qarsy reseilik vaktsinanyń baǵasy bir doza úshin 1 myń rýblden aspaidy. Al aldaǵy ýaqytta baǵasy arzandai túsedi.
Bul týraly jýrnalisterge Federaldyq monopoliiaǵa qarsy qyzmettiń (FMQQ) basshysy Igor Artemev málim etti, dep habarlaidy TASS agenttigi.
«Biz tarif óte joǵary bolýy múmkin ekenin túsinemiz, aitalyq, bir dozasy myń rýblge deiin. Óitkeni vaktsinalar salystyrmaly túrde az mólsherde shyǵarylady jáne óndiristi keńeitý úshin olarǵa kapital qajet. Sondyqtan biz bul tarifti, ózindik qunyn anyqtaý úshin baǵany, belgilegen kezde belgili bir formýla bolady dep kelistik, óitkeni qazir basqa eldermen salystyrýǵa múmkindik beretin baza joq», - dedi Artemev.
FMQQ basshysy tariftiń áli belgilenbegenin, biraq onyń baǵasy myń rýblden az bolatynyn atap ótti.
«Budan ári referenttik elderge arnalǵan indikatorlar paida bolǵan kezde baǵa tek tómendeitin bolady», - dep atap ótti ol.
Eske sala keteiik, «Vektor» ortalyǵy 24 shildede Resei Federatsiiasynyń Densaýlyq saqtaý ministrliginen vaktsinany eriktilerge klinikalyq synaqtan ótkizýge ruqsat aldy. Alǵashqy eriktige 27 shildede ekpe salyndy. Klinikalyq zertteýlerge qatysqan 20 eriktiden turatyn top 8 qyrkúiekte aýrýhanadan shyǵaryldy.
Rospotrebnadzor basshysy Anna Popova vaktsinanyń klinikalyq synaqtan ótýi 30 qyrkúiekte aiaqtalǵanyn habarlady. Vaktsinany tirkeýdi 15 qazanǵa deiin aiaqtaý josparlanýda.
